माधव र महन्थको नयाँ दल दर्ता हुन केही दिन लाग्ने

देश

नेकपा एमालेको माधव नेपाल समूह र जसपाको महन्थ ठाकुर समूहको निवेदन अनुसार दल दर्ताको लागि केही दिन लाग्ने निर्वाचन आयोगले जनाएको छ ।

आयोगका अनुसार दल दर्ताको लागि अध्यादेशअनुसार नियमावली बन्नुपर्छ । दल विभाजनसम्बन्धी अध्यादेश हिजो जारी भएपछि त्यसअनुसार नियमावली संशोधनको प्रक्रिया सुरु भएको आयोगले जनाएको छ । दल दर्ताका लागि निवेदन परेको ३५ दिनभित्र आयोगले निर्णय गर्नुपर्ने कानुनी व्यवस्था रहे पनि १५ दिनसम्ममा प्रक्रिया पूरा गर्ने आयोगको तयारी छ ।

आयोगका प्रवक्ता राजकुमार श्रेष्ठले अध्यादेशअनुसार नियमावली संशोधन भएपछि दल दर्ताको लागि परेको निवेदनमाथि अध्ययन गर्ने काम सुरु हुने जानकारी दिनुभयो । सबै प्रक्रिया पूरा गर्न कति दिन लाग्छ भनेर तोक्न नसकिए पनि एक हप्ता भन्दा बढी समय लाग्न सक्ने उहाँको भनाइ छ ।

Leave a Reply

Your email address will not be published.