आज १५ औं राष्ट्रिय सूचना दिवस मनाइँदै

देश

आज १५ औं राष्ट्रिय सूचना दिवस, सूचनाको हकसम्बन्धी ऐन लागू भएको दिनको सम्झनामा यो दिवस मनाइँदै छ । २०६४ साल साउन ५ गते सूचनाको हकसम्बन्धी ऐन प्रमाणीकरण भइ भदौ ३ गतेदेखि कार्यान्वयनमा आएको थियो ।

कोरोना महामारीका कारण यसपालि दिवसका अवसरमा कुनै औपचारिक कार्यक्रम हुने छैन । सङ्घीय शासन प्रणालीमा सूचनाको हक महत्त्वपूर्ण छ । सूचनाको हकको प्रभावकारी कार्यान्वयनबाट मात्र सार्वजनिक निकायलाई पारदर्शी, नागरिकप्रति जिम्मेवार, उत्तरदायी र जवाफदेही बनाउन सकिन्छ ।

दिवसका अवसरमा शुभकामना दिँदै प्रधानमन्त्री शेरबहादुर देउवाले सत्यतथ्य र आधिकारिक सूचना मात्र प्रवाह गर्न आग्रह गर्नु भएको छ । सूचनाको हकको कार्यान्वयनबाट सुशासन कायम गरि नागरिकलाई सुसूचित र सक्षम बनाउन सकिनेमा पनि प्रधानमन्त्री देउवाको विश्वास छ ।

Leave a Reply

Your email address will not be published.