राष्ट्र बैंकको नीतिले सेयर बजारमा असर पुर्‍याएको भन्दै गभर्नरको राजीनामा माग

खास खबर

सेयर बजारमा राष्ट्र बैंकको नीतिले असर पुर्‍याएको भन्दै लगानीकर्ताले गभर्नर महाप्रसाद अधिकारीको राजीनामा मागेका छन् ।

पुँजीबजार सुधार संघर्ष समितिले गभर्नर महाप्रसाद अभिकारीसमक्ष तुरुन्त निर्णय फिर्ता गर्नुपर्ने त्यसो नभएमा राजीनामा दिनुपर्ने बताएका छन् । यदि गभर्नरले निर्णय नसच्याए देशभरबाट लगानीकर्ता आएर राष्ट्र बैंक घेराउ गर्ने चेतावनी दिएका छन् ।

‘आज दिनभर केन्द्रीय बैंकले निर्णय नसच्याएमा भोलि ११ बजे देशभरबाट लगानीकर्ता बोलाएर केन्द्रीय बैंक घेराउ गर्नेछौं,’ संभर्ष समितिका संयोजक तथा लगानीकर्ता रामकृष्ण ढकालले बताए ।

मौद्रिक नीतिमार्फत राष्ट्र बैंकले सेयर धितोकर्जामा ४ देखि १२ करोड रूपैयाँको सीमा तोकेको छ । गभर्नरले भने राष्ट्र बैंकले ल्याएको सेयर कर्जा नीतिले समग्र पुँजी बजारलाई माथि उठाउने बताउँदै आएका छन् ।

उनले यो निर्णयले साना लगानीकर्तालाई समेत फाइदा हुने दावी गरेका छन् । आजको सेयर बजारमा डेढ घण्टामा नेप्से परिसूचक १३८ अंकले घटेको छ ।

Leave a Reply

Your email address will not be published.