सञ्चय कोषको लगानी ४ खर्ब नाघ्यो

आर्थिक

आर्थिक वर्ष २०७७/७८ सम्म सञ्चय कोषको लगानीको कुल लगानी ४ खर्ब ३६ अर्ब ५४ करोड पुगेको छ । हाल सञ्चय कोषमा ३ खर्ब ९८ अर्ब ६ करोड मौज्दात छ । निवृत्तभरण कोषमा १ अर्ब ५८ करोड छ । कोषको दायित्व ४ अर्ब ६७ करोड रहेको बताइएको छ ।

अर्थमन्त्री जनार्दन शर्माले कर्मचारी सञ्चय कोषले लगानी योग्य परियोजनाहरू उत्पादनमूलक क्षेत्रमा केन्द्रित गर्नुपर्ने बताएका छन् ।

कोषको ६० औं वार्षिकोत्सव समारोह भर्चुअल उद्घाटन गर्दै मन्त्री शर्माले सञ्चयकर्ताहरूको पैसालाई उत्पादनमूलक क्षेत्रमा लगाए राष्ट्रिय पुँजी निर्माणमा सहयोग पुग्ने बताए ।

मन्त्री शर्माले भने, ‘उत्पादन क्षेत्रमा गरिएको लगानीले रोजगारी सिर्जना गर्छ र व्यापार घाटा कम गर्न सहयोग गर्छ ।’कोषले संस्थागत सुशासनमा ध्यान दिनुपर्ने र कार्यप्रणालीलाई अझै प्रविधिमैत्री बनाइ सञ्चयकर्ताहरूको लागि सहज वातावरण बनाउनुपर्ने उनको धारणा थियो ।

Leave a Reply

Your email address will not be published.