७३ अंकले घट्यो नेप्से, कारोबार ५ अर्बमा खुम्चियो

आर्थिक

नेप्से परिसूचक आज पनि भारी अंकले घटेको छ । आज ७३.०५ अंकले घट्दै नेप्से २६८५.४२ अंकमा ओर्लिएको हो ।

कारोबार रकम पनि ५ अर्बमा सीमित भएको छ । आज १ करोड ४७ लाख ८ हजार ६८ कित्ता सेयर किनबेचमा ५ अर्ब १२ करोड ९७ लाख ३ हजार ९६ रूपैयाँ कारोबार भयो ।

मनकामना लघुवित्त र मैलुङ खोला जलविद्युत कम्पनीको सेयर मूल्यमा सकारात्मक सर्किट लागेको छ । सबै उपसमूहको सूचक रातो भयो । आज सबैभन्दा धेरै विकास बैंकका लगानीकर्ताले ३.८१ अंकले गुमाउन पुगेका छन् ।

अरुण भ्याली हाइड्रोपावर कम्पनीको सेयर कारोबार सबैभन्दा धेरै १५ करोड बराबरको भएको छ ।

Leave a Reply

Your email address will not be published.