बन्दशत्रमा भावुक मन्तव्य दिर्दै केपी ओलीले भने-कति बाँच्छु थाहा छैन !

देश

एमाले अध्यक्ष केपी शर्मा ओलीले महाधिवेशनको बन्द सत्रमा भावुक मन्तव्य दिएका छन् । बन्दसत्रलाई शनिबार सम्बोधन गर्ने क्रममा ओलीले आफ्नो जिन्दगीको भर नभएको बताएका हुन् ।

पार्टी नेता र कार्यकर्ताको पंक्ति देख्दा आफूलाई ढुक्क लागेको पनि ओलीले सम्बोधनका क्रममा बताएका छन् । ‘मलाई ढुक्क लागेको छ । अस्ति एक ठाउँमा पनि भनेको थिए, म कति बाँच्छु थाहा छैन । म धेरैपल्ट जीर्ण स्वास्थ्यबाट, धेरै अप्रेसनहरूबाट गुज्रिएर आएको हुँ भन्न सकिन्न कति बाँचिन्छ,’ उनले भने, ‘मानिसको जिन्दगी यसै पनि टुंगो हुँदैन, त्यसमा पनि मेरो जिन्दगी त धेरैपल्ट मरेर बाँचेर आएको, त्यत्ति साह्रो भर नहुन सक्छ ।’

एमालेका कार्यकर्ता र नेताहरूको नयाँ पुस्तामा लोकतन्त्र सुरक्षित रहेको बताए । उनले भने, ‘मलाई आज ढु्क्क लागेको छ, आराम लागेको छ, आरामले खाना रुच्छ, मिठो निन्द्रा लाग्छ किनभने म तपाईँहरूलाई अगाडि देख्छु । जब म तपाईँहरूलाई अगाडि देख्छु देशको भविष्य सुरक्षित देख्छु । आन्दोलनको भविष्य सुरक्षित देख्छु, लोकतन्त्रको भविष्य सुरक्षित देख्छु ।’

एमालेको नयाँ पुस्ताले समृद्धिको यात्रालाई सुनिश्चित गरेर अगाडि बढाउने कुराको यकिन रहेको पनि ओलीले बताए ।

Leave a Reply

Your email address will not be published.