बाबुराम भट्टराई नेतृत्वको नेपाल समाजवादी पार्टीले विचार मिल्नेसँग गठबन्धन गर्ने निर्णय गरेको छ। शनिबार काठमाडौंमा बसेको पार्टीको पहिलो केन्द्रीय समितिको पूर्ण बैठकले मंसिर ४ मा हुने प्रदेश र प्रतिनिधि सभा चुनावमा भाग लिने निर्णय समेत गरेको छ।
चुनावमा विचार मिल्ने र मुद्दा मिल्ने पार्टीसँग आवश्यकताका आधारमा तालमेल गर्ने निर्णय बैठकले गरेको हो । ‘निर्वाचनमा विचार र मुद्दा मिल्ने राजनीतिक शक्तिहरूसँग आवश्यकताअनुसार तालमेल, गठबन्धन, मोर्चा, ध्रुवीकरण र एकतासम्म गर्न सक्ने निर्णय पनि गरेको छ,’ बैठकपछि अध्यक्ष भट्टराईले जारी गरेको विज्ञप्तिमा भनिएको छ ।
समाजवादी पार्टीमा महेन्द्र राय यादव समेत अध्यक्ष छन्। यो पार्टीको केन्द्रीय कार्यालय कोटेश्वरमा रहेको विज्ञप्तिमा जनाइएको छ ।
